Arnannguaq

Coach, Mentor, Clairvoyant

Coach & Mentor

Arnannguamik ateqarpungnga 26-inillu ukioqarlunga. Kalaallit nunaaneersuuvunga maannalu Danmark-imi najugaqarlunga. Sulisaleqqaarninniilli inunnik sullissineq aallutilersimavara assigiinngitsutigut taamaattuik maanna inuttut misilittagaqartuullunga.

2020-imi namminersortutut aallartippunga nammineerlungalu klinik-imik ammaallunga Odense-mi. Tassani suliaralugit Massage, muskelterapi, akupunktur aammalu pinnersaanerit soorlu qimerialerinerit, qallulerinerit, spraytan il.il. Klinik-iuteqarninni inuit pisariaqartitaat aallaavigalugit sullittarpakka aammalu timikkut toqqissinissaat peqqissinissaallu anguniagarisarlugu

2021-imi inuttut ineriartornermi Coach-itut (Siunnersuisartutut) Naammassvunga piffissarlu sivisulaartoq qallunaatut sulereerlunga kalaallisut aallartillugu. Inuit ataasiakkaat killiffigisaat aallaavigalugit aqqutissiuuttarpakka inuunerminni kissaatigisimasaat aammalu angusaqarluarnissaat tunngavigalugit ingerlaqatigisarlugit

Taamaalillunga soqutigisarilersimallugu inuit aamma ilisimalikkannik sullitissallugit. Killiffimminnik sutigut tamatigt pitsanngorsaaniartillugit. Inuttut ineriartornera uannut assut iluaqutaanikooqaaq suliffinni aammalu namminersortuuninni, minnerunngitsumillu angajoqqaajuninni. Inuttut ineriartornerup iluani ilisimasaqarluarnerulernerma kingorna annerusumik soqutigisarisimalerpara kalaaleqatinnik sullisserusunnera pissutigalugu misigisimagama inuit inuttut ineriartornermik soqutigisallit iluaqutigilluarsinnaagaat.

Tunniusimallunga inuit sullitakka ingerlaqatigisarpakka angusaqarnissaat aammalu piginnaasaminnik atorluaanissaat inuunerminni siunertaralugu Ilisimasakka aallaavigalugit inuit inuttut killiffimminnik pitsanngorsaanerat siunertaqalugu ineriartortiteqataasarpunga

 

 

 

 

Inuttut ineriartorneq

Inuunera tamangajaat nuannarisuusimavara killiffinnik pitsanngorsaajuarnissara, tarnikkut timikkut anguniagaqarnikkullu, killiffinnillu pitsanngorsaajuarnikkut. 2020-imi inuttut ineriartornermi coach-itut aallartippunga piffissallu ingerlanerani High Perforers Mentor forløb-imut aallartillunga. Inuit allat nunarsuarmioqatigut peqatigalugit

Inunnit allanik coach-inik mentor-inillu siunnersorteqarlunga. Inuttut ineriartornerup iluani aammalu tarnikkut ineriartornerup iluani. Siullermik 2021-imi qallunaatut ilinniarfigisimasanni suillunga aallartippunga, aqqutissiuisutut tuniniaasutullu sulisarlunga, kingornalu nammineerlunga kalaallisut sullissisalerlunga aallartillunga.

Annerusumik ilisimasaqalereernerma kingorna nammineerlunga kalaallisut sullissinissannut perusussusinippunga maannamullu suli iluatsilluarsimallugu. Ullumikkut tamakkiisumik suliffeqarfiutinni sulivunga, nuannaarutigisaqaaralu inuit allat aqqutissiuullugit sullissinnaagakkit pisariaqartitaat aallaavigalgit Angalasarpunga nunani assigiinngitsuni. Angalaninni inuppassuarnut ilisimasakka saqqummiuttarpakka, eqqarsartariaatsikkut pissutsit aallaavigalugit.

Sullitamma angusaqarluarnissaat pingaartittuuara, pissutigalugu inuttut pitsaanerusinnaassusaat angorusuttarakku aamma Coaching & Mentoring aqqutigalugit inuit aqqutissiuuttarpakka, sullitamma inuunermik annerusumik ilisimasaqarnerulernissaat tunngavigalugu, taamaasilluta tamatta inooriaaseq pitsaanerusoq siunertaqarluartorlu ingerlavigisinnaagatsigu.

Ilinniakkakka

2020-2021 Inuttut ineriartornermi ilinniarneq
2021-2022 Ilinniakkannik qaffassaqqinneq
2022-2023 Clairvoyance, medie & healer
2022-2022 High Performers Mentoring

EQQUMAFFIGIUK! Ilinniakkakka tamarmik qallunaatut tuluttullu ingerlasuupput

Massakkut piffissaava alloriaqqinnissannut iliuuseqarnissat?

Angorusutatit suleqatigiissutigisigit kissaatigiuarsimasatillu pilersillugit.

Attaviginnga